22 05 2023

AZƏRBAYCAN RESPUBLİKASI ELM VƏ TƏHSİL NAZİRLİYİ FİZİKA İNSTİTUTU
AŞAĞIDAKI GÖSTƏRİLƏN VƏZİFƏLƏRİ TUTMAQ ÜÇÜN MÜSABİQƏ
E L A N     E D İ R

1.1 Yarımkeçiricilərdə və yarımkeçirici nanostrukturlarda köçürmə hadisələri laboratoriyası üzrə:
aparıcı elmi işçi - 1şt.
böyük elmi işçi - 1şt.
1.3.Bərk cisimlərdə rezonans hadisələri laboratoriyası üzrə:
aparıcı elmi işçi - 1şt.
1.4 Almazabənzər və çoxkomponentli birləşmələrin optik və transport xassələri laboratoriyası üzrə:
aparıcı elmi işçi - 1şt.
1.8 Yüksək gərginliklər fizikası və texnikası laboratoriyası üzrə:
aparıcı elmi işçi – 2 şt.

2.1 “Nanomaterialların tətbiqi texnologiyaları” laboratoriyası üzrə:
böyük elmi işçi - 1şt.
2.2 Bionanostrukturlar fizikası laboratoriyası üzrə:
böyük elmi işçi - 1şt.
elmi işçi - 1 şt.
2.3 “Bərk cisim nəzəriyyəsi” laboratoriyası üzrə:
aparıcı elmi işçi - 1şt.
2.5 Qeyri-kristallik yarımkeçiricilərin fizikası və elektronikası laboratoriyası üzrə:
böyük elmi işçi - 1şt.
2.6 Optoelektronika laboratoriyası üzrə:
aparıcı elmi işçi - 2 şt.
2.7 Nazik təbəqəli strukturlar laboratoriyası üzrə:
böyük elmi işçi - 1şt.
2.8 İnfraqırmızı fotoelektronika və plazma hadisələri laboratoriyası üzrə:
aparıcı elmi işçi - 1şt.
elmi işçi - 1 şt.
2.10 Spektroskopik ellipsometriya laboratoriyası üzrə:
böyük elmi işçi - 1şt.
2.12 Nüvə və yüksək enerjilər fizikası laboratoriyası üzrə:
böyük elmi işçi - 1 şt.
2.17 Kristalloqrafiya laboratoriyası üzrə:
aparıcı elmi işçi - 1 şt.
böyük elmi işçi - 1şt.
2.18 “Kvant informatikası” laboratoriyası üzrə:
böyük elmi işçi - 1şt.

3.1 Darzolaqlı yarımkeçiricilər və yuxarıtemperaturlu ifratkeçiricilər laboratoriyası üzrə:
aparıcı elmi işçi - 1şt.
böyük elmi işçi - 1şt.
3.5 Epitaksial təbəqələr və strukturlar laboratoriyası üzrə:
aparıcı elmi işçi - 1şt.
3.7 Kristallofizika laboratoriyası üzrə:
aparıcı elmi işçi - 1şt.
3.9 Nano- və aktiv kompozitlər laboratoriyası üzrə:
aparıcı elmi işçi - 1şt.
böyük elmi işçi - 1şt.
3.10 Ferroelektriklər və funksional materiallar laboratoriyası üzrə:
aparıcı elmi işçi - 1şt.

4.4 “Ensiklopediya və terminologiya” şöbəsi üzrə:
aparıcı elmi işçi - 1şt.

Müsabiqədə elmlər doktorları və fəlsəfə doktorları iştirak edə bilər.
Sənədlər müsabiqənin müvafiq tələblərinə uyğun olaraq bu ünvana göndərilməlidir:
Bakı, Az - 1143, H.Cavid 131, tel.: 539-74-23
Müsabiqənin müddəti elan çap olunduğu gündən etibarən 1 aydır.

10 Oktyabr 2022

İNGİLİS DİLİ KURSLARI TƏŞKİL EDİLİR

Azərbaycan Milli Elmlər Akademiyası və Amerika Birləşmiş Ştatlarının Azərbaycandakı səfirliyinin əməkdaşlığı çərçivəsində akademik ingilis dili kursları təşkil edilir.

İngilis dili sertifikatı olan və ya DİM-in dil imtahanlarından keçərək doktorantura və dissertanturaya qəbul olan əməkdaşlardan kursda iştirak etmək istəyənlər 07.10.2022-ci il tarixinədək Application formanı doldurmalıdır.

Müsabiqədən uğurla keçənlər həftədə 2-3 dəfə ABŞ-dan olan müəllim tərəfindən keçirilən online kurslara qatıla biləcək.

Kursa dair sualların cavablandırılması üçün 3 oktyabr 2022-ci il tarixində saat 15:00-da ZOOM meeting təşkil ediləcək.

Link https://us04web.zoom.us/j/74291377629?pwd=R8QfrJfUEvs3NPvkeOxAF5yeOb21Ea.1
Идентификатор конференции: 742 9137 7629
Код доступа: 8qtrps

02 Iyun 2022

2022-ci il tarixində attestasiyadan keçən əməkdaşların siyahısı

16 May 2022

18 may 2022-ci il saat 09.30 - da Elmi Şuranın iclası keçiriləcək.

GÜNDƏLİY:

1. “Nüvə və yüksək enerjilər fizikası” laboratoriyasının böyük elmi işçisi Faiq Nizami oğlu Əhmədovun Rusiyanın Dubna səh. Birləşmiş Nüvə Tədqiqatları İnstitutuna (BNTİ) ezamiyyəti müddətini 1 il uzadılması haqqında (Arif Həşimov).

2. “Qeyri-standart nəzarət və diaqnostika” laboratoriyasının kiçik elmi işçisi Asif Həmdulla oğlu Əsədovun Rusiyanın Dubna səh. Birləşmiş Nüvə Tədqiqatları İnstitutuna (BNTİ) ezamiyyəti müddətinə 1 il uzadılması haqqında (Arif Həşimov).

3. “Kristalloqrafiya” laboratoriyasının aparıcı elmi işçisi Güləbəstə Məhəmməd qızı Ağamirzəyevanın “Keçid elementləri əsaslı xalkogenidlər” monoqrafiyası haqqında (Arif Həşimov).

4. Fizika İnstitutun laboratoriyalara və şöbələrə təhlükəsizlik üzrə məsul şəxsləri təyin edilməsi haqqında (Rəhim Əliyev).

5. Fizika İnstitutunun doktorantların və dissertantların attestasiyasının nəticələrinin təsdiqi haqqında. (Arif Həşimov).

6. İnstitutun ştatında boş olan laboratoriya rəhbəri (1) və böyük elmi işçi (2) vəzifələri tutmaq üçün (“Elm” qəzeti 17 mart 2022-ci il tarixli elan) müsabiqənin keçirilməsi haqqında (Hüseyn İbrahimov).

7. Professor elmi adı verilməsi haqqında: "Epitaksial təbəqələr və strukturlar” laboratoriyasının baş elmi işçisi fizika üzrə elmlər doktoru Cabir Ibrahim oğlu İsmayılova professor elmi adının verilməsi haqqında (Arif Həşimov).

Carı məsələlər: Elmi və texniki işçilərin attestasiyasının keçirilməsi haqqında (Hüseyn İbrahimov).

14 Aprel 2022

AMEA-da 2022-ci il üçün doktorantura və dissertanturaya qəbul elan edilir (ardı var)

Azərbaycan Milli Elmlər Akademiyası Azərbaycan Respublikası Nazirlər Kabinetinin 5 mart 2022-ci il tarixli 140s nömrəli sərəncamı ilə təsdiq olunmuş “Azərbaycan Respublikasının ali təhsil müəssisələrinin, elmi təşkilatların 2022-ci il üçün doktorant və dissertant hazırlığı üzrə qəbul planı”na və AMEA Rəyasət Heyətinin 1 aprel 2022-ci il tarixli 8/4nömrəli qərarına əsasən 2022-ci il üçün fəlsəfə doktoru və elmlər doktoru hazırlığı üzrə doktorantura və dissertanturaya qəbul elan edir.

Fəlsəfə doktoru və elmlər doktoru hazırlığı üzrə doktorantura və dissertanturaya sənədlər 5 aprel - 5 may 2022-ci il tarixlərində hər gün (şənbə, bazar və bayram günləri istisna olmaqla) saat 10:00-dan 17:00-dək AMEA-nın müvafiq elmi müəssisələrində qəbul ediləcək.

Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis) Azərbaycan Respublikasının vətəndaşları müsabiqə əsasında qəbul olunurlar.

Fəlsəfə doktoru proqramı üzrə doktoranturaya qəbul olmaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzi tərəfindən iyun ayında keçirilən xarici dil imtahanından keçid balını toplamalıdırlar.
Xarici dil imtahanında keçid balını toplayan şəxslər sentyabr ayında keçirilən Fəlsəfə fənnindən imtahana buraxılırlar.
Fəlsəfə fənnindən məqbul alan şəxslər ixtisas imtahanına buraxılırlar.
Fəlsəfə doktoru proqramı üzrə dissertanturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis), müvafiq tədqiqat sahəsində müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan, dissertant kimi təhkim olunmaq istəyən şəxslər azı iki il elmi və ya elmi-pedaqoji iş stajına malik olmalıdırlar.
Fəlsəfə doktoru proqramı üzrə dissertanturaya qəbul olmaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzi tərəfindən iyun ayında keçirilən xarici dil imtahanından keçid balını toplamalıdırlar.
Dissertantlıq yolu ilə təhsil müddətini başa vuran şəxslər eyni ixtisas üzrə təkrar dissertant ola bilməzlər.
Doktoranturada tam təhsil müddətini başa vurmuş şəxslər eyni ixtisas üzrə dissertantlıq yolu ilə təhsil ala bilməzlər.

Fəlsəfə doktoru proqramı üzrə doktorantura və dissertanturaya qəbul üçün aşağıdakı sənədlər AMEA-nın müvafiq elmi müəssisələrinə (elmi müəssisələrin ünvanını AMEA-nın www.science.gov.az saytından əldə etmək olar) təqdim olunmalıdır:
- elmi müəssisənin rəhbərinin adına ərizə;
- kadrların şəxsi-qeydiyyat vərəqi;
- tərcümeyi-hal;
- 2 ədəd fotoşəkil (3x4 sm ölçüdə);

14 Aprel 2022

AMEA-da 2022-ci il üçün doktorantura və dissertanturaya qəbul elan edilir (ardı)
- iş stajı olanlar üçün əmək kitabçasından çıxarış;
- iş yerindən xasiyyətnamə;
- çap olunmuş elmi işlərin siyahısı və ya seçilmiş ixtisas üzrə referat;
- ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);
- xarici dil bilikləri üzrə beynəlxalq sertifikatı olanlara (IELTS, TOEFL, TestDaf, DALF əgər varsa) və ya xarici dildən keçid balını toplayanlara Dövlət İmtahan Mərkəzi tərəfindən verilən təsdiqedici sənəd;

- şəxsiyyəti təsdiq edən sənədin surəti.
Xarici dil üzrə qüvvədə olan beynəlxalq dil sertifikatına (IELTS, TOEFL, TestDaf, DALF) malik olanlar xarici dil üzrə qəbul imtahanından azad olunurlar.
Beynəlxalq dil sertifikatının imtahan nəticələrinin ekvivalentliyi Dövlət İmtahan Mərkəzi tərəfindən müəyyənləşdirilir.
Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağı bacaran və fəlsəfə doktoru (elmlər namizədi) elmi dərəcəsi olan Azərbaycan Respublikasının vətəndaşları qəbul edilirlər.
Dissertantlıq yolu ilə elmlər doktoru elmi dərəcəsi almaq hüququna fəlsəfə doktoru (elmlər namizədi) elmi dərəcəsi olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar malikdir.
Dissertantlıq yolu ilə təhsil müddətini başa vuran şəxslər eyni ixtisas üzrə təkrar dissertant ola bilməzlər.
Doktoranturada tam təhsil müddətini başa vurmuş şəxslər eyni ixtisas üzrə dissertantlıq yolu ilə təhsil ala bilməzlər.
Elmlər doktoru proqramı üzrə doktorantura və dissertanturaya qəbul üçün aşağıdakı sənədlər AMEA-nın müvafiq elmi müəssisələrinə təqdim olunmalıdır:
- ərizə (doktoranturanın fəaliyyət göstərdiyi və dissertantura təhsilini həyata keçirən müəssisənin və yaxud təşkilatın rəhbərinin adına);
- kadrların şəxsi-qeydiyyat vərəqi;
- tərcümeyi-hal;
- 2 ədəd fotoşəkil (3x4 sm ölçüdə);
- iş yerindən xasiyyətnamə;
- əmək kitabçasından çıxarış;
- çap olunmuş elmi işlərin siyahısı;
- fəlsəfə doktoru (elmlər namizədi) elmi dərəcəsi diplomunun müvafiq qaydada təsdiq edilmiş surəti;
- ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);
- şəxsiyyəti təsdiq edən sənədin surəti.
Əlavə məlumat üçün AMEA-nın Rəyasət Heyəti aparatının Təhsil şöbəsinin Doktorantura sektoruna müraciət etmək olar.
Əlaqə nömrələri: (+994 12) 539 20 68, (+994 12) 539 30 60
E-mail: tsh@science.az